Media
advertisement
  webmaster@awdalmedia.com

advertisement advertisement

Xaasaska Alshabaab Oo Lagu Amray Inay Iskaga Guuraan Magaalada Balad-xaawo.



Wed 14 November 2018.

Maamulka magaalada Balad Xaawo ee gobolka Gedo ayaa soo saaray amar magaaladaasi looga musaafurinayo Xaasaska iyo caruurta dagaalyahanada Al Shabaab ee ku dhaqan Balad Xaawo.

Gudoomiyaha Balad Xaawo Maxamuud Xayd Cusmaan ayaa amray in magaalada si deg deg ah uga baxaan xaasaska iyo caruurta Al Shabaab , waxa uuna ka gaabsaday Gudoomiyaha in faah faahin badan ka bixiyo sababta dadkaasi magaalada looga saarayo.

Wararka aan heleyno ayaa sheegaya in sababaha Xaasaska Dagaalyahanada Al Shabaab iyo caruurtooda looga musaafurinayo degmada Balad Xaawo ay timid kadib markii ay Al Shabaab afduubteen dad samafal ka shaqeenayay.

Idaacada BBC-da ayaa sheegtay in amarkan markii uu soo baxay Al-Shabaab la xiriireen ganacsatada iyo waxgaradka degmada kana dalbadeen in ay maamulka ku qanciyaan inuu ka laabto go’aankiisa haddii kale ay qaadi doonaan talaabo aargudasho ah.

Maamulka degmada Balad Xaawo ayaa ka biyo diiday in ay ka laabtaan go’aanka magaalada looga musaafurinayo Xaasaska iyo Caruurta Al Shabaab kadib kulan ay la yeesheen  Ganacsatada iyo Waxgaradka Balad Xaawo.

Magaalooyin kuyaala Koonfurta Soomaaliya ayaa marar badan laga soo saaray amaro lagu musaafurinayo Xaasaska iyo Caruurta Al Shabaab, amaradan ayaana inta badan noqday kuwa aan dhaqan galin.



33 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines