Media
advertisement
  webmaster@awdalmedia.com

advertisement advertisement

Xaalada Madaxwayne Cabdi Maxamuud Oo Laga Waramay Iyo Olole Nadaafadeed Oo ka Bilowday Jigjiga.



Wed 08 August 2018.

Shacabka magaalada Jigjiga ayaa billaabay inay nadiifiyaan wadooyinka Magaalada oo burbur badan uu daadsanaa kaasoo ka dhashay rabshadihii maalmo ka hor ka dhacay magaaladaas

Waxyaabaha waddooyinka daadsanaa waxaa ka mid ah bajaajyo la gubay, dhagxaan, haraaga taayero la gubay iyo waxyaabo kale, iyadoo shacabka Soomaalida ah iyo kuwa aan soomaalida ahayn ay hawlgalkaas iska kaashanayaan.

Qaar ka mid ah xafiisyada Maamulka eek u yaalla Magaalada ayaa la sheegay inay wakhtiyo kooban furnaayeen.

Qadkii Internetka ayaa maalintii saddexaad ka go’an degaanka Soomaalida, inkastoo ay shaqeynayaan telefoonada caadiga ah.

Dhanka kalana wararka laga helayo Itoobiya ayaa sheegaya in madaxweynihii hore ee Dawlad Degaanka Soomalida Cabdi Maxamuud Cumar uu wali ku sugan yahay magaalada Addis Ababa.

Waxaa soo baxaya warar is khilaafsan oo ku saabsan meesha uu kaga sugan yahay caasimadda, waxaana qaarkood ay sheegayaan inuu ku sugan yahay guri uu qoyskiisu ka sii daganaa magaalada Addis Ababa.



118 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines