Media
advertisement
  webmaster@awdalmedia.com

advertisement advertisement

Ciidamada Maamulka Jubbaland Oo Al-shabaab kala Wareegay Degaanka Wirkooy Ee Gobolka Jubbada Hoose.



Tue 13 March 2018.

Ciidamada dowlad goboleedka Jubbaland oo garab ka helaya kuwa Xoogga dalka ayaa saaka Waaberigii weeraray Saldhigyo dagaalyahano ka tirsan Al-Shabaab ku leeyihiin deegaanka Wirkooy ee gobolka Jubbada hoose.

Saraakiisha hogaamineysa ciidamada ayaa sheegay in howlgalkaas uu ahaa mid qorsheysan oo lagu beegsaday xarumo ay isku aruursanayeen Al-Shabaab.

Taliyaha Ciidamada Jubbaland ee degaanka Buulogaduud ayaa sheegay in howlgalkan uu suurtageliyay in ciidamada Jubbaland iyo kuwa Xoogga dalka Soomaaliya ay dagaal kula wareegaan degaanka Wirkooy.

Waxaa uu intaas ku daray in labada dhinac uu dhexmaray dagaal ay khasaaro ku gaarsiiyeen Al-Shabaab, isla markaana dhankooda uu kaga dhaawacmay hal Askari sida uu hadalka u dhigay.

Al-Shabaab ayaan ka hadlin weerarkan ciidamada Jubbaland iyo kuwa xoogga dalku sheegeen iney kaga qabsadeen degaanka Wirkooy, waxaana aad u adag in warar madax banana laga helo degaankaas iyo degaanada ku dhow isgaarsiinta oo liidata awgeed.



161 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines