Taliban Oo Goob Fagaare kusoo Bandhigay Meydadka Dad ay Dileen

Taliban ayaa meydadka afar qof ku soo bandhigay goob fagaare ah oo ku taalla magaalada galbeedka dhacda ee Herat.

Meydadkan ayay ka soo laalaadiyeen goob si digniin ay ugu diraan kooxaha wax afduubta, afarta qof ee la dilay ayaa lagu eedeeyay inay ka dambeeyeen falal afduub ah.

Raggan meydadkooda lasoo bandhigay ayaa la dilay kadib markii ay rasaas isweydaarsadeen iyaga iyo Taliban, waxaana lagu eedeeyay inay qafaasheen nin ganacsade ahaa iyo wiilkiisa, sida saraakiisha gudaha ay sheegeen.

Mid kamid ah meydadka laga soo laalaadiyay wiish gudaha magaalada si farriin loogu diro kooxaha dadka afduubta.

Dhacdadan ayaa imaaneysaa xilli sarkaal sare oo ka tirsan Taliban uu sheegay in ciqaab xad dhaaf ah sida dil iyo gacan goyn ay ka billaaban doonaan Afghanistan.

Sep.25,2021 – Herat: Taliban kill 4 people and hang their bodies on different parts of the city. They were accused of kidnapping.
(Visited 1 times, 1 visits today)