Nin Lagu Tuhmayo Dilkii Jamal Khashogi Oo Lagu Xiray Faransiiska.

Nin Sacuudiga u dhashay oo loogga shakisan yahay inuu ku lug lahaa dilkii wariye Jamal Khashogi ayaa lagu xirey dalka faransiiska.

Khalid Aalu Tayba, ayaa lagu qabtay gagidda dayuuradaha ee magaalada Paris sida ay qortey warbaahinta Faransiiska. Wuxuu kamid yahay 26 qof, oo ay dowladda Turkigu ku daba jirto, sababo la xiriira dilkii Jamaal Khashogi.

Ninkan oo dadiisa lagu sheegay 33 sano jir, ka mid ahaan jirey ilaalada gaarka ah ee Boqortooyada Sucuudiga, ayaa ku socdaalayey magaciisa rasmiga ah, waxaana la dhigay xabsiga.

Khashogi, oo ahaa nin si weyn u dhaleeceyn jirey dowladda Sucuudiga, ayaa lagu diley qunsuliyadda dowladda Sucuudigu ku leedahay magaalada Istanbul ee dalka Turkey-ga, bishii Octobar ee sanadkii 2018-kii.