Madaxweyne Cagjer Oo Hay’adaha Amniga kala Shiray La-dagaallanka Al-Shabaab.

Madaxweynaha Dowlad degaanka Soomaalida Mustafe Muxummed Cumar ayaa kulan la qaatay masuuliyiinta sare ee hay’adaha amniga Deegaanka, kaas oo looga hadlayay xaaladda amni ee guud ahaan degaanka.

Kulanka ayaa waxaa lagu gorfeeyay Afar qodob oo udub-dhexaad u ah Nabadgelyada Shacabka , kuwaasi oo kala ah:

1-Gorfaynta xaaladda guud ee dowlad degaanka Soomaalida.

2-Xoojinta iyo adkeynta Nabadgelyada gudaha dowlad degaanka.

3-ka-hortagga isku-dhacyada qabaa’ilka iyo xallintooda.

4-Sugidda amniga xudduudaha iyo la-dagaallanka ururrada loogu yeero argagixisada sida Al-Shabaab.

Kulankan oo ka mid ah kulamada joogtada ah oo ay wada yeeshaan gudiga nabadgelyada Deegaanka oo uu guddoomiye u yahay madaxweyne Mustafe, waxaana laga soo saaraa go’aano la xiriira.