Jabuuti Oo Itoobiya Bilaash Uga Dhigtay Laba Bilood Dekadaha.

Dowladda Djibouti ayaa dhowaan shaacisay in adeeg dekadeed oo bilaash ah ay muddo 60 cisho ah siineyso shirkadaha Ethiopia ee badeecooyinka ka dhoofsada dekedaha Djibouti.

Djibouti ayaa sheegtay in sababta ay tallaabadan u qaadday ay tahay mid ay ku caawinayaan dhaqaalaha dalka Ethiopia xilligan adag ee dunida uu kala xiray cudurka Coronavirus.

Dowladda Djibouti ayaan sheegin cadadka lacagta uu dalkeedu ku weynayo mudadaas laba bilood ah.

Abuubakar Cumar Xaddi oo ah Gudoomiyaha Marsooyinka iyo Aagga Canshuuraha ka caagan ee Dekadaha Djibouti ayaa sheegay in dowladda Itoobiya ay siin doonaan fursad ay ku badbaadi karto dhaqaalaheeda.

Dekeddaha dalka Jabuuti ayaa waxaa isticmaala Shacabka dalka Itoobiya, islamarkaana waxaa dhaqaallo badan kasoo galaa dowladda Jabuuti.