Dawlada Iran Oo Xirtay Dukaamo Wax ka Iibiya Haween aan Xijaabnayn

Masuuliyiinta Dawlada Iiraan ayaa shaacisay inay xirtay saddex maqaayadood oo lagu qaxweeyo oo ku yaalla bartamaha magaalada Qom, kuwaasoo lagu wwdeeyay inay wax ka iibiyaan haweenka macaamiisha u ah ee aan xirneyn indho-shareerka, sida ay sheegtay warbaahinta maxalliga ah.

“Saddex maqaayadood oo lagu qaxweeyo ayaa lagu xiray Qom sababo la xiriira xad-gudubyo badan, oo ay ku jiraan indho-shareerka haweenka iyo arrimo kale,” ayaa lagu yiri bayaan ay soo saareen Ilaalada Kacaanka Iiraan, oo lagu daabacay wargeyska Hamshari.

“Milkiilayaasha maqaaxiyaha waxaa u yeeray booliiska ka hor inta aan tallaabo sharciga waafaqsan laga qaadin,” ayaa lagu daray qoraalka.

Magaalada Qom, oo ah magaalo ay Shiicadu u qadariyaan inay tahay goobta ay aaminsan yihiin inuu soo laaban doono imaamka laba iyo tobnaad ee Shiicada Islamka, ayaa ku taal meel 150 kilomitir koonfurta ka xigta caasimadda Tehran.

(Visited 3 times, 1 visits today)