Banaanbaxyo Looga soo Horjeedo Colaada Somalida Iyo Canfarta Oo ka Dhacay Gobolka Sitti.

Mudaaharaadyo lagaga soo horjeedo colaadda ka socota soohdinta u dhaxeysa Soomaalida iyo Canfarta ayaa maanta ka dhacay gobolka Sitti ee deegaanka Somaalida ee dalka Itoobiya.

Dibedbaxyada ayaa lagu dalbanayay in dadkii aaggaa ka soo barakacay lagu celiyo deegaamadoodii, iyagoo si gaar ah u xusayay weerarkii maamulka Canfarta ay kula wareegeen magaalada Garbo Ciise.

Haddaba meelaha uu banaanbaxani ka dhacay waxaa kamid ah magaalada Shinniile oo shacab aad u tiro badan ay isugu soo baxeen, kuwaas oo watay boodhadh ay ku qornaayeen hal ku dhagyo ay ku taageerayeen hawlgallada ay ciidanka gaarka ee degaanku ka wadaan galbeedka gobolka Sitti, iyo waliba in cadaalad ay helaan dadkii dhawaan lagu laayay galbeedka Sitti.

Banaanbaxyadan ayaa kusoo hagaagaya xilli maalmihii lasoo dhaafay ay dagaalo adag ka soconayeen magaalada Garbaciise, dagaaladaas oo u dhaxeeyay Soomaalida iyo Canfarta, iyadoo dagaaladaasina ay ku barakaceen dad aad u badan oo Soomaali ah.

(Visited 1 times, 1 visits today)