Al-Shabaab Oo Weerar Dhimasho Geystay ku Qaaday Bus ku Socday Nairobi.

Wararka ka imanaya Gobolka Mandera ayaa sheegaya in weerar lala beegsaday baabuur bas ah uu maanta ka dhacay degaankaas.

Wararka aanu ka helnay dadka degaanku waxa ay sheegayaan in dabley la aaminsan yahay inay ka tirsan yihiin Al-Shabaab ay weerareen baabuurka oo u socday magaalada Nairobi.

Wararka hordhaca ah ee nasoo garaaya ayaa sheegaya inuu jiro khasaare nafeed oo ay gaysteen dableyda weerartay baabuurkaas baska ah.

Ugu yaraan saddex ka mid ah rakaabkii la socday gaarigaas ayey wararku sheegayaan in lagu dilay weerarkan.

Baska la weeraray ayaa waxaa iska leh shirkadda lagu magacaabo Moyale Raha, waxaana uu ka mid yahay basaska ay isticmaalaan dadka rayidka ah ee iskaga kala gooshaya gobollada Kenya.