Media
advertisement
  webmaster@awdalmedia.com

advertisement advertisement

NBA News and Scores

Trump oo ku casuumay Putin inuu booqasho ku tago dalka Maraykanka



Fri 20 April 2018.

Madaxweynaha dalka Maraykanka Donald Trump ayaa ku casuumay dhiggiisa dalka Ruushka Vladamir Putin inuu booqasho ku yimaado caasimada dalka Maraykanka ee Washington.
Wasiirka Arrimaha Dibadda Ruushka Sergey Lavrov ayaa sheegay maanta oo Jimco ah in madaxweynaha Mareykanka Donald Trump uu marti qaad u fidiyey dhiggiisa Madaxweyne Vladmir Putin, uuna booqan doono dhowaan Aqalka Cad.

Sergey Lavrov ayaa hoosta ka xariiqay in Madaxweyne Putin uu hadda isku diyaarinayo in uu la kulmo madaxweynaha Mareykanka Donald Trump.

Waxaa uu intaas ku daray in Trump iyo Putin ay isku raacsanyihiin 100% in labada dal uusan ka dhex dhici dooniin iska horimaad Millatari.

Waa kulankii ugu horreeyay oo ceynkaan oo kale ah oo ay qaataan labada Mas’uul tan iyo markii ay xiisad soo kala dhex gashay xiriirka Mareykanka iyo Ruushka, waxayna kulankooda ay diiradda ku saari doonaan sidii loo horumarin lahaa xiriirka ka dhaxeeya labada wadan.

Hase yeeshee martiqaadkan ayaa ku soo beegmay iyadoo ay ka dhex jirto xiisad siyaasadeed dalka Britain iyo wadanka Ruushka taasi oo ka dhalatay suntii lagu buufiyay sarkaal hore jaajuus ugu ahaa labada wadan ee Ruushka iyo Britain.

Xiisadaas ayaa sababtay in diblumaasiyiin badan oo Ruush ah laga eryo wadamo badan oo ku yaal qaarada Yurub iyo weliba wadanka Maraykanka waxayna dowlada Ruushka ay bixisay jawaab la mid ah talaabada ay qaadeen dalalka xulafada la ah Maraykanka.



128 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines