Media
advertisement
  webmaster@awdalmedia.com

advertisement advertisement

NBA News and Scores

Madaxwaynaha South Africa Zuma Oo ku Gacan-saydhay Inuu Xilka ka Dego.



Wed 14 February 2018.

Madaxweynaha lagu eedeeyay musuqmaasuq ee Koonfur Afrika, Jacob Zuma oo ka hadlay xiisadda siyaasadeed ee ka taagan dalkaasi isgoo ku dooday in uusan sameynin wax khalad ah, iyo sabab uu xilka uga dego.

Hadalka madaxweyne Zuma ayaa yimid kadib markii golaha sare ee xisbiga tallada haya ee ANC ay shegeen inay taageeri doonaan mooshin xilka looga qaadayo madaxweynaha maalinta khamiista.

75 jirkan ayaa wajahaya cadaadis ah ah inuu iscasilo, waxaana mas'uulkan loo heysta eedeymo musuqmaasuq.

Zuma waxaa kale oo uu sheegay in saraakiisha sarsare ee xisbiga ANC ay ku guuldareysteen inay fahfaahiyaan sababta xilka looga qaadayo.

" Arrintan la doonayo in xilka layga qaado waxay aniga igu tahay caddaalad darro, mana la ii sheegin sababta" waxaa sidaasi warbaahinta qaranka ee dalka Koonfur Afrika u sheegay madaxweyne Zuma.

Mr Zuma waxaa kale oo uu sheegay inuu soo jeediyay inuu xafiiska baneeyo bisha June ee sannadkan, isagoo na muujiyay sida uu uga xunyahay qaabka loo wajahayo xil ka qaadistiisa.

Zuma ayaa intaa ku daray in fahfaahin dheeraad ah uu arrintan ka bixin doono gelinka dambe ee maanta.

Madaxa xisbiga ANC, Jackson Mthembu ayaa ku dhawaaqay in maalinta khamiista cod loo qaadi doono xil ka qaadista Jacob Zuma, iyadoo na isla xilkaasi loo dhaarin doono Cyril Ramaphosa oo ah madaxweynaha xisbiga ANC.

Golaha sare ee xisbiga ANC ayaa ku dhawaaqay inay go'aansadeen in xafiiska uu baneeyo Zuma, iyagoo na Zuma u qabtay in ugu dambeyn uu isku casilo ilaa iyo maalinta arbacada.



126 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines