Media
advertisement
  webmaster@awdalmedia.com

advertisement advertisement

NBA News and Scores

Tilmaan iyo Toosin.Qore Cabdullaahi Maxamed Cumar



Sat 20 January 2018.

Nabad akhristayaasha sharafta lahoow. Bariidaasi kaddib, waxaynu haddii Eebbe idmo wax yar diiradda saari doonnaa - si aynnu u axadhno; shirkii jaraa'id ee uu shalay qabtay mudane madaxweyne, Muuse Biixi Cabdi.

Waxaynnu isweydiin doonnaa - haddii Ilaahay idmo - maxay madashaasi dhaliil lahayd oo u baahan dhalanrogid ama ay dheef u lahayd madaxweynaha iyo xukuumaddiisaba?!

 

Haddii aynnu ku horraynno dhinaca dheefta iyo dhaqanka wanaagsan ee ay lahayd, waxaynnu u soo koobi karnaa sida tan:

 

 

  • Runta marka la sheego, warsaxaafadeedkii uu shalay madaxweynu qabtay; wuxu aad iyo itaal uga duwanaa, kuwii hore ee madaxtooyada Somaliland qaban jirtey! Waayo, waxa meesha ka baxay; ninkii macalqabadka ama dillaalka ahaan jirey ee ku kala dhex jiri jirey madaxweynaha iyo saxaafadda. Ninkaasi oo ahaan jirey: afhayeenka madaxweynaha, wasiir ama nacamle kale!

 

  • Waxa iyana xiisaheeda lahayd, muddada uu madaxweynu siiyey su'aalaha suxufiyiinta iyo jawaabaha uu bixinayey oo waafi ahaa.
  • Madaxweynaha oo madashaasi kaga jawaabey, xan iyo xamxam beryahanba la isla dhex marayey oo ku saabsanayd: xidhiidhka xukuumaddiisa iyo saxaafadda waddaniga ah, xidhiidh xisbiyada iyo xukuumaddiisa ka dhexeeya iyo tollaayayda iyo tawaawaca odayaasha fasaqmay.

Markaasi waxaynnu odhan karnaa, shalay madaxweynuhu dhawr shimbirood ayuu hal shiish ku wada diley!

Haddii aynnu dhugano dhinaca dhalliilaha ay madashu lahayd ee u baahan in dhayo, waxa ka mid ahaa:

 

 

 

  • Madasha oo ahayd meel furan oo bannaan ah oo aan kursi iyo fadhi toona lahayn oo u ekayd, dheh oo ka dhaqaaq
  • Weriyayaasha oo aan intooda badani makarafoonno adeegsan markii ay madaxweynaha su'aalaha weydiinayeen oo aad su'aalaha qaarkood ka fahmeysey oo qudha jawaabta uu madaxweynuhu bixiyey
  • Madasha oo ay su'aaluhu ahaayeen hororsi iyo inta aad dhawaaqi kartid! Arrintaasina, waa ta haweenkii su'aaha ka qadisay - haddii ay goobtaba joogeen?
  • Weydiimaha weriyaasha qaarkood oo saluug lahaa
  • Waxa isaguna aad u liitey, habka habmaamuuska ee madasha oo waxyaabo badani ka dhinaayeen!


Guud ahaan marka la isku soo xooriyo, dhawr tallaabo hore ayaa loo qaaday oo waxa meesha ka baxay; madaxweynihii uu macalqabadku kaga gudbanaa saxaafadda iyo kala xigteysigii weriyayaasha ee aan qaarkood looba ogolaan jirin goobta ama la is dhegomarin jirey su'aalahooda.

 

 

Haddii aynnu soo gunaanadno, madaxtooyadu waxay u baahan tahay: in ay yeelato - hadday leedahayna   la hawlgeliyo - qolweyne (conference hall) lagu qabto: warsaxaafadeedyada dawladda iyo wixii kale ee muhiim ah iyo in baratakoolka madaxweynaha ee fagaarayaasha wax weyn laga bedelo.

 

Alle ayay Mahad oo dhammi u sugnaatay, adiguna akhriste mudnaan baad leedahay.

 

Cabdullaahi Maxamed Cumar

 

Email: timacadde56@hotmail.com

 

 


Views : 85



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines

Wafdigii Ra’iisal Wasaare ku-xigeenka Turkiga Oo Kormeeray Saldhiga Milatari Ee Ay ka Dhiseen Muqdisho.(Sawirro)

Wasiirka Warfaafinta Oo Isku Shaan-dhayn Ku Sameeyay Waaxyaha Wasaaraddiisa.

Madaxweynaha Hirshabeele Oo la Kulmay Madaxweynaha Dalka Jabuuti.

Dawlada Somaliya Oo ka Digtay Gaadiid Waxyaabaha Qarxa Laga soo Buuxiyay Oo soo Galay Muqdisho.

Ganacsatada Muqdisho Oo soo Dhaweeyey Go’aankii Gudiyadda Baarlamaanka ku Laaleen Canshuurtii Lagu soo Rogay.(Sawiro)

Xisbiga Oromada Itoobiya Oo Guddoomiye Cusub Doortay iyo Filashada Uu Raysal Wasaare Ku Noqon Karo.

Shirka Golaha Wasiirada Somaliland Oo Laga Soo Saaray Qodobo Iyo Daraasad Ku Saabsan Isku Dhacyadda Beelaha.

Dawlada Iiraan Oo Soo Bandhigtay Dedaalo Ay Waddo Oo Lagu Joojinayo Dagaalka Dalka Suuriya.

Daawo Xisbiga Waddani Oo Si Kulul Uga Hadley Ex Wasiir Samsam Oo Ka Degtay Moqdisho.

Daawo Xisbiyada Ucid Iyo Wadani Oo Ku Dhawaaqey Gudiyo Badhintaano Ku Samaynaya Golayaasha Deegaanka Dalka.

Nuxurka Qodobo Lagaga Hadlay Shirkii Golaha Wasiirada Ee Maamulka Puntland.

Madaxweyne Biixi Oo Magacaabay Agaasimayaal, Safiiro Iyo Garsoorayaasha Maxkamada Ciidamada Somaliland.

Itoobiya Oo sii Deysay ilaa 1, 500 Maxaabiis ka Tirsanaa Ururka ONLF.

Dagaal ka Dhacay Degmada Baardheere Ee Gobolka Gedo.