Media
advertisement
  webmaster@awdalmedia.com

advertisement advertisement

NBA News and Scores

Dowladda Iran Oo Wacad ku Nartay inay ka Aargoosan Doonaan Mareykanka.


Sat 13 January 2018.

Dowladda Iiraan ayaa sheegtay in Mareykanka ay ka talaabeen qadka casaanka ka dib markii ay cunaqabatayn ku soo rogeen madaxa waaxda garsoorka Iiraan Ayatollah Sadeq Amoli-Larijani.

Wasaarada arrimaha dibadda iiraan ayaa wacad ku martay in ay ka aargoosan doonto Mareykanka.

Balse Iiraan ma sheegin tilaabada ay doonayso in ay qaado.

Xukuumadda Tehran ayaa sidoo kale diiday in wax isbadal ah lagu sameeyo heshiiskii Iiraan ay la gashay wadamada quwadaha waaway.

Madaxwaynaha Mareykanka Donald Trump oo isagu si wayn uga soo horjeeda heshiiska Iiraan lala galay 2015 ayaa jimcihii sheegay in uu cunaqabatayna ka dhanka ah Iiraan uu kordhin doono.

Sidoo kale mareykanka ayaa cunaqabatayn cusub ku soo rogay 14 shaqsi iyo hay'ado lagu eedeeyay in ay ku xadgudbeen xuquuqda aadanaha.

Madaxwyne Trump ayaa sheegay in midowga Yurub uu siinayo fursaddii ugu dambeeysay oo lagu saxayo heshiiska Iiraan lala galay.

Madaxwaynaha Mareykanka ayaa doonaya in gabi ahaanba isbadal lagu sameeyo heshiiskii Niyukleerka ee lala galay Iiraan.

Wadamada kale ee qaybta ka ahaa heshiiska ayaa waxay dhankooda sheegeen in ay sii wadi doonaan dhaqangalinta heshiiska Iiraan lala galay.

Madaxda Ruushka ,Jarmalka iyo Faransiiska ayaa waxa ay ka soo horjeedsadeen mowqifka Trump uu ka istaagay heshiiska ay wadamada quwadaha waawayn la galeen dowladda iraan.



Views : 21



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines