Media
advertisement
  webmaster@awdalmedia.com

advertisement

NBA News and Scores

Yaab:-Dowladda Somaliya Oo Markii Ugu Horeysay Sharuudaha Shaqo Bixinta ku Dartay Qabiilka (Akhriso)



Sat 12 August 2017.

Wasaaradda Haweenka iyo Arrimaha Xaquuqul Insaanka Dowladda federaalka Soomaaliya oo boggeeda Internet-ka ku soo xayeysiisay jagooyin ka bannaan Guddiga Madaxa Banaan ee Xuquul Insaanka ayaa sharuudaha qofka shaqa doonka ee soo codsanaya jagooyinkaas ku dartay qabiilkiisa iyo jufadiisa hoose .

Foomka ay soo saartay Wasaraadda Haweenka ee looga baahan yahay inuu buuxiyo muwaadin walba oo soo codsanaya ilaa 19 jagooyin oo bannaan ayaa dad badan oo Soomaaliyeed oo daneynaya shaqooyinkaasi islamarkaana soo kaamilay sharuudaha caadiga, ayaa la fajacay markii foomka sharuudaha lagu soo daray inay qasab tahay in aad soo sheegto qabiilka iyo jufada hoose sida aad ka arki karto website wasaaradda Haweenka ee foomka la soo dhigay.

Dad badan oo damacsanaa in ay jagooyinkaasi dalbadaan ayaa dib uga laabtay damacooda, kadib markii ay ku kalsoonaan waayeen nidaamka shaqo maadama ay ku xiran tahay in muwaadinka shaqada ku guuleysanayo qabiilka iyo jufo hoosaadka uu ka dhashay.

Tani ayaa noqoneeysa markii ugu horreeysay ee dowladda Soomaaliyeed si rasmi ah sharuud uga dhigto in muwaadin shaqo ka doonaya dowladda uu codsigiisa ku soo daro qabiilka iyo jufo hoosaadka uu ka dhashay.

Baarlmaanka Federaalka Soomaaliya ayaa sanadkii 2016 dii meel-mariyey sharciga Guddiga Madaxa Bannaan, iyadoo shaqooyinka Guddiga ay ka mid tahay Xukumida shaqsiyaadka geysta gabood-fallada ka dhanka ah xuquuqul Aadanaha Soomaaliya iyo sidoo kale difaacida, daba-galka, tixgelinta iyo horumarinta xaquuqul aadana Soomaaliya.

 

 

Halkan guji si aad u aragto Foomka Codsiga Shaqada DFS

 http://mwhrd.gov.so/foomka-arjiga/



Views : 253



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines

Akhriso; War Saxaafadeed Maraykanku ku Sheegay Inuu Somaliya ku Diley 100 ka Tirsan Alshabaab.